BR LA UNION – Dimmar-ay iti sumagmamano a nalatak nga sports personalities iti panagsapata ni US President Donald Trump idi kalman idiay Rotunda Capitol.
Pakaibilangan ditoy ni UFC president Dana White ken UFC commentator Joe Rogan.
Personal nga inimbitaran ni Trump ni UFC heavy weight fighter Jon Jones.
Kinuna ni Jones kadagiti nangdillaw kenkuana, nga uray anya pay a political party, ngem isuna ket maysa nga American ken personal pay nga inimbitaran ti US President.
Maipalagip nga idi napalabas a tawen ket personal a nagbuya ni Trump iti laban ni Jones kenni Stip Miocic.
Kalpasan iti panangabak ni Jones iti maikatlo a round ket insagut na iti championship belt na kenni Trump.
Dadduma pay a naimbitaran ken dimmar-ay iti inagurasyon ni Trump ket isuda Conor McGregor, Jake ken Logan Paul ken sumagmamano pay nga US football players.
