Inlawlawag ti Department of Health a saan a makaalarma iti maaw-awagan a “super flu” uray adda ti baro a variant nga naipadamag iti sabali a pagilian.
Segun kenni DOH Secretary Ted Herbosa, awan ti aniaman nga indikasion iti agdama a mangigubgubuay daytoy ti pangta iti salun-at ti publiko ditoy Pilipinas.
Nagpalagip iti ahensia kadagiti Pilipino nga agbiahe kadagiti winter countries wenno kadagiti pagilian nga addaan ti nalammiis a klima kas ti North America ken United Kingdom, nga agbalin nga informed ken agsagana kangrunaan iti saritaan maipanggep ti panagbakuna a maiyannatup iti lugar a papanan.
Pinasingkedan pay ti ahensia a na-detect ditoy pagilian iti agwarwaras a Super flu cases a naipadamag idiay United Kingdom ken Estados Unidos.
Maibasar iti datos, recovered wenno naagasanen dagiti 17 a kaso a nailista idiay Metro Manila.
Kabayatanna, impasigurado ni Herbosa nga agtultuloy iti monitoring ti DOH iti sitwasion ti influenza variants iti sabali a pagilian ken nakasagana iti ahensia a mangiruar ti kanayunan nga abiso no kasapulan.
Maallukoy met iti publiko a suruten dagiti basic health measures kas iti panagpatalinaed ti kinadalus, panangliklik kadagiti addaan ti sakit, ken dagos a panagpakonsulta no makapadas ti sintomas ti trangkaso, kangrunaan no kalpasan ti panagbiahe.###
