LA UNION – Pinasingekdan iti US Supreme Court nga adda absolute immunity manipud iti criminal prosecution dagiti sigud a Presidente ti Amerika, a kas kenni sigud a US President Donald Trump kadagiti official acts ngem saan amin ket opisyal.
Napag-desisyunan ti U.S. Supreme Court idi Lunes a saan a mabalin a maidarum ni Donald Trump iti anyaman nga aramid a nakapauneg iti constitutional powers na kas presidente wenno naaramid kabayatan ti panagtakem, ngem mabalin a maidarum nu private acts.
Saan a nangat-ngato ngem ti linteg iti Presidente ngem adda iti konstitusyon a ti kongreso ket saanna a makaswan iti Presidente agsipudta ar-aramiden ti Executive Branch iti responsibilidad na.
Gaputi nasao desisyon ket mabalin a maitantan ti panagdengngeg kadagiti kaso a sangsangwen ti former president.
Iti nasao a desisyon ti korte ket mangibasura iti desisyon ti federal appeals court idi Pebrero nga awan ti rumbeng nga immunity ni Trump kadagiti krimen a naaramid na idi Presidente pay, a kas ti pananggandat na a baliktaden iti resulta ti eleksiyon idi 2020.
