BR LA UNION – Nagballaygi ti tallo aldaw a Lab For All mission ni First Lady Lisa Araneta Marcos a naisayangka idiay ili ti San Juan, La Union.
Iti interview ti Bombo Radyo kenni Department of Health Secretary Ted Herbosa, imbaga na a kabin-binnulig ti nasao a programa iti naduma-duma nga ahensya ti gobierno, kas ti Department of Health, Technical Education Skills Development Authority (TESDA), ken Department of Social Welfare and Development (DSWD) ken dadduma pay.
Tarigagay ti Lab For All program ti First Lady nga idanon kadagiti umili a Pilipino ti libre a serbisyo medikal, kas ti libre a konsulta, laboratoryo ken dadduma pay a tulong ti nasao a programa ti gobiyerno.
Nakipaset iti nasao a programa dagiti espeyalista manipud Ilocos Training and Regional Medical Center (ITRMC) ken dagiti 144 a doctor to the barios manipud La Union.
Iti uneg ti tallo nga aldaw a programa, nakaipaay ti nalawa a serbisyo ti nasao a progama iti nasurok kumurang a 2,500 a residente manipud idiay ili ti San Juan.
Innayon pay ni Herbosa a dandani intero a pagilian iti narikosen ti nasao a programa ket mangnamnama nga agtultuloy a maiyasideg ti dadduma pay a programa ti gobierno para kadagiti umili a kangrunaan nga agkasapolan.
