Iginiit ni Manila Rep. Bienvenido Abante a ti testimonya ni Ramil Madriaga ket mangipakpakita ti posible a panangiyakar ti pondo ti pagilian a nakalibas iti audit safeguards ken nasken nga imbestigaran ti House Committee on Justice.
Apaman mapaneknekan dagiti alegasyon ket mabalin a nausar ti pondo iti gobierno para kadagiti pribado a panangiwaras.
Binabalaw ti mamanday-linteg ti pannakausar dagiti duffel bags ken “car tire key drops,” agraman ti napartak a pannakagastar ti P125M manipud Office of the Vice President iti las-ud laeng ti 11 nga aldaw kadagiti “safehouse” a naipatulod kadagiti mapagduduaan a nagnagan nga awan iti Philippine Statistics Authority.
Innayon na a trabaho ti Kamara nga ammoen nu adda ti umdas a pagbasbasaran nu ituloy pay ti impeachment kontra kenni Vice President Sara Duterte, a saan a tapno desisyonan a dagos nu adda iti naaramid a panaglabsing.
Inyunay-unay na a ti panagdamag ken ti panangiruar ti subpoena ket paset ti transparency and accountability agsipud ta nasken a tingitingen ti kredibilidad ni Madriaga iti panagdengngeg.
Inlawlawag ni Abante nga awan ti personal a rurod na iti Bise Presidente ken panggep laeng a pagsungbaten dagiti rumbeng nga agsungbat.
