BR LA UNION – Inpakaammo ti Department of Information and Communications Technology (DICT) nga addaan itan ti gobiyerno iti software tool a mangdetermina nu deepfake ti video iti uneg ti 30 laeng a segundo.
Iti panagdengngeg ti House tri-committee ita nga aldaw ti Martes, kinuna ni Marco Reyes ti Cybercrime Investigation and Coordinating Center (CICC) nga i-install ken patarayen ti nasao nga alikamen iti computer.
Nu mapaneknekan a deepfake ti video, agparang ti nalabaga nga ‘EKIS’ iti screen.
Segun kenni Cybercrime Investigation and Coordinating Center (CICC) Executive Director Alexander Ramos, dackel a tulong iti tool iti pananglaban dagiti scammers ken fake news.
Mabalin a maibingay daytoy kadagiti fact-checkers kas paset iti nalawa a sistema iti panang-verify ti impormasyon.
Kabayatanna, imbaga ni Department of Information and Communications Technology (DICT) Secretary Ivan Uy a manarimaan ti panangala da iti license software para iti aplikasyon.
Nagpanawagan pay kadagiti lehislador a mangputar ti linteg a mangipaay ti bileg iti gobyerno nga agtignay kontra kadagiti cybercriminals knga uray awan ti private complainant.
