BR LA UNION – Natumba iti tower ti Bombo Radyo La Union.
Napasamak ti insidente iti kangitingitan ti panagduprak ti bagyo Emong, agarop alas 2:00 itay parbangon, Hulyo 25, 2025.
Natupakan iti natumba a tower ti tallo a babbalay a pagnanaedan ti uppat a pamilya a buklen ti 21 nga indibiduwal, ngem awan ti naipadamag a nasaktan iti insidente.
Iti interview kenni Ma. Cristina Dalluay, 25-anyos, addaan asawa, residente ti Barangay Parian, San Fernando City, La Union immakar da ditoy mismo istasyon ti Bombo Radyo La Union itay alas 3:00 ti parbangon ken agtaltalinaed da agingga ita gaputa layos pay iti babbalay da.
Manipud iti 21 nga indibiduwal, pito kadakuada ti ubbing ken maysa ti senior citizen.
Kabayatanna, natumba pay iti sanga dagiti kayo iti likod ti istasyon ngem awan ti nasaktan kadagiti empleyado.
Dagiti avid listeners ti Bombo Radyo La Union, tumutok pay laeng iti FB page, FB live ken Bombo Radyo App para kadagiti pad-padaanan a programa, damag, impormasyon, pas-pasamak, ken dramas agingga a maisimpa ti tower ti Bombo Radyo La Union.
