BR LA UNION – Imbaga ni Prosecutor General Richard Anthony Fadullon ti Department of Justice, nga ad-adalen ti prosekusyon iti panagkiddaw ti ‘precautionary hold departure order’ iti korte kontra kadagiti Atong Ang, Gretchen Barreto ken dadduma pay.
Nu maamwan nga adda plano wenno gandat a pumanaw wenno rumwar iti pagilian dagiti respondents, kinuna ni Fadullon nga adda opsyon wenno basaran para iti panagkiddaw ti nasao a pammilin.
Inwaragawag na daytoy kasaruno iti panangkumpirma ni Justice Secretary Remulla a naisyuan ti ‘immigration lookout bulletin order’ dagiti respondents iti kaso dagiti ‘missing sabungeros”.
Kabilang kadagiti dinakamat ni Julie ‘Dondon’ Patidongan a karaman iti kaso ket isuda Charlie ‘Atong’ Ang ken Gretchen Barretto, banag a nainget da a pinaglibakan.
