LA UNION – Agpapaimbag pay laeng iti ospital ti maysa a tricycle driver kalpasan a binagsol ti maysa a barangay tanod idiay Bry. San Manuel Norte ili ti Agoo, La Union.
Iti inisial nga imbestigasion ti pulisia, naamuan a nagsinnupiat idi rabii ti biktima a ni Francisco Estacio, 52-anyos, ken ni Fortunato Balanag, 32-anyos.
Nupay kasta, ditoy a tinengngel ni Balanag ni Estacio kasaruno ti panangbagsol kenkuana ti tanod a ni Antonio Trencinio, 60-anyos, iti namindua a daras iti kanawan a paset ti barukongna.
Dagus met laeng a naitaray ti biktima iti pagagasan bayat a nagtongtongen ti agsinnumbangir a benneg para iti pannakarisut ti kaso.
