LA UNION – Dagus a nangisayangkat iti dragnet operation ti Agoo Police Station kontra iti dua a gunmen a nangpaltog iti maysa a driver iti Brgy. Sta. Monica iti nasao nga ili.
Nabigbig ti biktima a ni Gaudencio Doctolero mina, 57-anyos, addaan iti asawa, residente iti nadakamat a barangay.
Maibasar iti inisial nga impormasion ti pulisia, naamuan nga agawid koman iti balayda ti biktima idi inasitgan dagiti dua a suspek a nangpalpaltog kenkuana.
Dagus a naglibas dagiti suspek iti saan pay a masinunuo a direksion.
Iti agdama ket nairut a dukdultalen dagiti otoridad no ania ti motibo ken pakabigbigan dagiti suspek iti nasao a pammapatay.
