Nagpakdaar ni US President Donald Trump a kanselaren na ti aw-awagan na nga ‘fragile’ ceasefire deal ti baetan ti Israel ken Hamas.
Daitoy ket nu saan a waya-wayaan dagiti Hamas ti amin a nabatbati nga kautibo idiay Gaza iti tengnga aldaw inton Sabado, Pebrero 15.
Nagpangta ni Trump a nu saan a maaramid daitoy ket “all hell will break out”.
Idi nadamag nu ania kayat na satwen daitoy ket kinuna ni Trump a maamwan ti Hamas apaman saan da a suroten ti imbaga na.
Inlawlawag ti US President nga agsasao isuna para iti bagbagi na ken mabalin latta nga ma-override isuna iti Israel. Suspetsa met ni Trump ket adun nga kautibo dagiti natnatay.
Kabayatanna, posible met nga ipasardeng na iti panangipaay tulong kadagiti pagilian nga Jordan ken Egypt nu saan da nga awaten dagiti Palestinian refugees a maiyakar manipud Gaza.
Daitoy ket ti baetan ti plano ti US President a panag-takeover ti Amerika idiay Gaza tapno dalusan manipud kadagiti debris nga imbati ti giyera ken pagbalinen kas “Riviera of the Middle East”.
