BR LA UNION – Nailako iti auction iti kantidad a $9.1 milyon ti kaunaan nga edisyon ti Superman comics.
Segun iti Heritage Auctions idiay Texas, iti original copy ti Man of Steel comics ket nairuar idi June 1939.
Kukua daytoy dagiti agkakabsat manipud idiay San Francisco, California.
Istorya dagiti agkakabsat nga aksidente laeng a nadiskubre da ti comics a kukua ti pimmusayen nga ina da.
Agdal-dalus da iti balay idi makita da ti comics manipud iti nakagabsuon a diyaryo iti attic.
Agtawen itan ti 50’s ken 60’s dagiti tallo nga agkakabsat ken kinuna da a kanayun nga istoryaen ti ina da idi sibibiag pay nga addaan daytoy kadagiti nginginaen a comics collections ngem saanna nga impakita kadakuada.
Iti June 1939 first edition a Man of Steel’s adventures, ti maibilbilang ita a kanginaan a comics book a ginatang iti aucton.
Naartapan na iti Action Comics No.1 idi 1938 nga immuna a naiyam-ammo ni Superman ken nagatang ti $6-M iti auction idi napan a tawen.
Ti superhero a ni Superman ket pinartuat ti mannurat a ni Jerry Siegel ken artist Joe Shuster, agpada nga anak iti Jewish immigrants a naggapo idiay Europe, ngem nagsarak da idiay Cleveland.
Pinartuat da ti fictional superhero idi 1933 idi agad-adal pay laeng dagitoy, ngem nairuar iti publiko babaen ti comic book Action Comics #1, idi April 18, 1938.
Agingga ita ket agtultuloy pay laeng a maitam-tampok ni Superman iti nagduduma a blockbuster movies ken books, nupay 90 a tawen ti napalabas.
Iti latest, nakatuding nga irwar ti Hollywood iti pelikula a napaulwan ti “Man of Tomorrow,” a nakatuding a mai-release inton 2027.
