BR LA UNION – Pimmusay ti maysa nga empleyado ti paktorya ti bala kalpasan ti napasamak a panagbettak idiay Marikina City.
Kinumpirma ni Police Colonel Geoffrey Fernandez, hepe ti Marikina City PNP, a gapu iti nakaro a sugat a sinagrap na ket saan a nagbayag iti ospital.
Idinto a dagiti dua pay a kadwa na ket nagsagaba iti nakaru a dunor iti bagi.
Dagiti biktima ket empleyado ti Armscor Global Defense Incorporated.
Maibasar iti report, agar-aramid da iti bala idi bimtak ti primer a maysa a material iti panagaramid ti bala, agarop alas 2:15 ti malem, July 7.
Kalpasan ti sumagmamano nga oras, pimmusay ti biktima idiay Amang Rodriguez Memorial Medical Center gapu iti nakaro a sugat ti barukongna gapu iti shrapnel.
Impasigurado ti kompanya a makitinnulongda iti imbestigasyon dagiti pulis.
