LA UNION – Dagus a dimmanon ti impormasyon kenni US President Joe Biden seknan ti napasamak iti karibal na iti pulitika a ni sigud a President Donald Trump.
Babaen iti statement nga inruar ni Biden, kinuna na nga agyaman a natalged ni Trump kalpasan ti napasamak iti rally na idiay Pennsylvania.
Kinuna na nga ikararaganna daytoy, iti pamilya na, ken amin a timmabuno iti nasao a rally, bayat nga ur-urayen da iti naan-anay nga impormasyon iti insidente.
Innayon ti US President nga awan ti lugar dagiti nasao a klase ti krimen idiay America.
“We must unite as one nation to condemn it.”
Kabayatanna, immunan a kinumpirma ti Secret Service nga addan iti natalged a kasasaad ni sigud a President Donald Trump.
Daytoy ket kalpasan a maipagarop a nagsagaba ti dunor ken makita iti video ti dara iti rupa ken lapayag na, kabayatan ti panangibaba kenkuana ti Secret Service agents manipud iti entbalado kabayatan ti campaign rally na idiay Pennsylvania idi Sabado.
Segun kadagiti otoridad, imbestigaran da iti napasamak kas attempted assassination iti former president ken presumptive Republican nominee.
