LA UNION – Personal a binisita ni US President Joe Biden dagiti dinuprak ti hurricane Milton idiay Florida.
Iti panagbetla na, nagyaman agsipudta saan unay a nagbalin a nakaru iti perdisyon a ginubway ti bagyo .
Nagkari daytoy a mangipaay ti $600-milyon a tulong para kadagiti naapektaran ti bagyo.
Iti nasao a kantidad, $100-M ditoy ket mausar para iti panang-simpa ti power system idiay Florida.
Maipalagip nga umabot iti 17 a tattao ti natay iti panagduprak ti bagyo Milton a dimmuprak idi napan a lawas.
Daytoy ti maikadwa a bagyo a timmama iti nasao nga estado iti uneg laeng ti dua a lawas.
Immuna a dimmuprak ti bagyo Helene iti innem nga estado idiay US a pakaibilangan ti Georgia, Tennessee, North Carolina, South Carolina, ken nag-landfall idiay Florida a nakatayan ti nasurok 227 a tattao.
Agingga ita, adda pay iti 825-k a pasdek negosyo ken babbalay idiay Florida iti awan pay laeng ti supply ti koryente, manipud iti sigud a tallo milyon a napukawan ti power supply.
