Binabalaw ni Bise Presidente ti gobierno gapo iti saan a panaglaban kontra korapsyon ditoy pagilian.
Segun iti Bise Presidente, laksid dagiti imbutaktak dagiti nagpaam-ammo a 18 a sigud a miembro ti Philippine Marine Corps a nangipatulod ida kadagiti minaleta a kwarta kadagiti mamanday-linteg ket saan latta nga agtigtignay ti gobierno tapno mangimbestigar.
Nu ketdi kunana, isuna pay ti naakusaran a makin-plano ti panangibutaktak dagitoy nga ex-Marines tapno laeng maiwanwan ti saritaan ti impeachment kontra kenkuana.
Impaganetget na met a nakapamaysa laeng ti atensyon ti gobierno tapno dadaelen ti panagtrabaho na.
