LA UNION – Inlawlawag ni Vice President ken outgoing Education Secretary Sara Duterte a saan nga agang-angaw ken saan met a bomb threat iti imbaga na a dutukanna iti bagi na kas designated survivor.
Inwaragawag daytoy ti Bise-Presidente kagiddan ti naisayangkat a Brigada Eskwela National Kickoff idiay probinsiya ti Cebu ita nga aldaw.
Segun kenni VP Sara, adu ti nakaliway nu anya iti iparpa-ripirip na.
Gaputi dayta, kinuna na a nu saan a naawatan iti imbaga na, saanen a rumbeng nga ipalawag pay.
“Karon rako nakakita nga kanang Vice President nga ginapangita ang ilang attendance sa tanan nga mga butang. Dili to siya joke. Dili pod to siya bomb threat.”
Immunan nga imbaga ti Bise-Presidente a saan a dumar-ay iti State of the Nation Address (SONA) ni President Ferdinand Marcos Jr. inton Hulyo 22, ngem dinutukanna ti bagi na kas designated survivor.
Idiay U.S., iti designated survivor ket madutukan kabayatan ti pannaki-taripnong ti Presidente iti amin nga opisyal, a pakairamanan dagiti constitutionally designated successors kas ti Vice President, Senate President, House Speaker ken Supreme Court Chief Justice.
Ingkaso nga adda dakes a mapasamak a pakatayan ti Presidente ken amin a successors, otomatiko a ti agsapata ket siasinuman kadagiti Cabinet member a designated survivor kas Presidente.
