Dimmanonen iti punto a napanunotan ni Vice President Sara Duterte a putden ti ulo ni Presidente Ferdinand Marcos Junior gapo iti panangbabain na iti maysa nga graduate.
Iti maysa nga interview iti Bise Presidente idiay Mandaluyong, inbinglay na iti maysa a pasamak idi dimmar-ay da iti Presidente ti maysa a graduation rites.
Nilaglagip ti Bise Presidente ti maysa a graduate nga immasideg iti Presidente tapno kiddawen iti relo na a kas graduation gift.
Segun kenni VP Sara, idi saan nga ammon ni Presidente Marcos ti ibaga na ket impaulit na iti damag manipud iti graduate, ken kinunana a pigsaan daitoy ti kiddaw na.
Inulit met iti graduate ti kiddaw na ken iti sungbat ti Presidente ket “Why? Why will I give you my watch?”
Ditoyen a nagbara ti ulo ni Bise Presidente Duterte ken kinunana a naammiris na nu kasano a ka-toxic ti Presidente.
Imbatad na a napanunotan na a pugotan ti ulo ti Presidente gapo iti graduate nga imbabain na ket nag-adal iti uppat a tawen tapno isakripisyo ti bagi na iti Pilipinas ken protektaran ti West Philippine Sea (WPS).
Kabayatanna, nagkedked met nga inaganan ti Bise Presidente nu sadino a pagadalan iti dinar-ayan da a graduation rite.
