LA UNION – Arestado idiay Brgy. Casantaan, Sto. Tomas, La Union ti maysa a wanted a New People’s Army (NPA) member idiay Ilocos Sur.
Nabigbig daytoy a ni Johnny Obena, alyas”Rod,” 38-anyos, logistics officer ken squad leader ti Squad Dos, Platoon South Ilocos Sur (dating Sandino).
Babaen ti insayangkat nga operasion ti nagtitipon a puersa ti intelligence branch ti Police Regional Office 1, La Union police ken Philippine Army ket nakemmeg ni Obena iti bileg ti lima a warrants of arrest gapu kadagiti kasona a frustrated murder ken attempted murder idi pay 2013.
Naamuan a ni Obena ket karaman kadagit operatiba ti NPA nga agdakdakiwas idiay Ilocos Sur. (PLAD)
