Na-promote ti pakabuklan a 16,025 a school teachers ita a tawen babaen ti panangidaulo ni Department of Education Secretary Sonny Angara.
Dumanon pay ti 41,183 a mannursuro ti agdama a nakaproseso ti papel da ken nakatuding a maisubmitir idiay Department of Budget and Management para inton sumaruno a batch ti promotion.
Daitoy nga addang ket paset ti Expanded Career Progression system a maipatpatungpal babaen ti liderato ni Presidente Ferdinand Marcos Junior tapno masiguro a dagiti mannursuro ket mapadpadasan ti panagngato ti kaledad iti biag da kabayatan nga adda da paylaeng iti aktibo a serbisyo.
Imbatad ni Angara a panggep ti reporma nga ikkaten dagiti sagubanit ti promosyon ken ipateg ti dedikasyon dagiti mannursuro.
Rinibu a teaching personnel ti intero a Pilipinas ti nakatuding nga agnumar kadaitoy a sistema a panggep a papigsaen ti professional growth.
