LA UNION – Dua a dayo a ti inaresto ti nagtipon a puwersa ti PDEA ken San Fernando City Police kabayatan ti naisayangkat a buy bust operation, agarop alas 10:00 idi rabii iti city plaza ditoy syudad.
Dagiti suspek ket nabigbig nga isuda John Michael Garcia ken alyas Kendra Gail Batayan Otinguey a naggapo idiay Baguio City.
Nakumpiskar dagiti otoridad manipud kadagiti suspek iti uppat a plastic sachet iti maipagarop a shabu, agdagsen ti .4 grams ken addaan ti estimated value a P5,000.00
Kabilang pay a nakumpiskar iti P1,000.00 buy bust money ken motorsiklo dagiti suspek.
Immuna ti dayta, makunkuna nga adda pay iti sabali a kakadwa dagiti suspek agsipudta naki-pinnaltog pay dagitoy kadagiti otoridad.
Ginandat ti aglibas dagiti suspek ngem naarestar dagiti dua.
Maysa met iti makunkuna a nasugatan iti grupo dagiti suspek ngem nakalibas daytoy.
Kabayatanna, agtultuloy iti panangsapol dagiti otoridad iti paltog nga imet ni John Michael kalpasan a maipagarop nga imbelleng na idi kamaten dagiti otoridad.
Kaso a panaglabsing iti R.A. 9165 iti maysa a sangwen nga asunto dagiti natiliw a suspek.
