Rinaut dagiti otoridad ti maysa nga ilegal a Philippine offshore gaming operator (POGO) hub idiay ciudad ti Makati.
Indauloan ti Presidential Anti-Organized Crime Commission (PAOCC) ken Philippine National Police Criminal Investigation and Detection Group (CIDG) ti operasyon a nakaarestaran dagiti 200 nga indibidwal.
Kabayatanna, nagduduma a lahi dagiti empleyado ti naarestar malaksid kadagiti Pilipino ket adda pay ti Chinese, Japanese, Malaysian, Taiwanese, Brazilians ken taga-Hong Kong.
Segun iti PAOCC, ti nasao nga ilegal a POGO hub ket nagtultuloy ti operasyon laksid ti kaawan ti aniaman nga lisensiya.
Nakadanagan met ti ahensya seknan ti security risk ti nasao nga POGO hub agsipud ta ti pasdek ti operason da ket pakasarakan kadagiti dadakkel a kompanya ken nagduduma nga embahada.
Madama metten nga isagsagana dagiti otoridad ti maipila nga kaso kontra kadagiti naarestar a suspek.
