LA UNION – Naarestar ti maysa nga estudiante idiay Barangay Ili Sur, San Juan, La Union idi kalman Pebrero 24, 2026.
Tiniliw isuna ti San Juan MPS a nagserbi kas arresting/lead unit, kadua dagiti personnel ti LUPIU, RIU-LUPIT, TSC-RMFB1, LUPIDMU, ken RID PRO1.
Nabigbig iti suspek nga agtawen ti 22-anyos, awanan asawa, ken residente ti Cabaroan (Negro), San Fernando, La Union.
Nakemmeg isuna iti bileg ti revived Warrant of Arrest (WOA) a naipaulog babaen ti maysa a Resolution Order mainaig iti kaso a Reckless Imprudence Resulting in Homicide and Damage to Property a napetsaan ti Pebrero 23.
Narekomendaran daytoy ti piansa a ₱36,000 (fixed).
Ti suspek ket adda itan iti kustodiya ti San Juan Municipal Police Station.###
(Reference: Police Report from San Juan MPS)
