BR LA UNION – Dead-on-the spot iti tallo bayat a maysa ti natay iti ospital iti napasamak a panagdidinnungpar ti uppat a behikulo idi parbangon ti Sabado, Hulyo 19, iti national highway idiay Barangay Baccuit Sur, Bauang, La Union.
Dagiti karaman iti aksidente ket maysa a hi-lux pick-up, dua a motorsiklo ken maysa a kotse.
Iti pannakiuman ti Bombo Radyo La Union kenni Police Major Lawrence Ganuelas, spokesperson ken information officer ti La Union Police Provincial Office (LUPPO), kinuna na a maibasar iti inisyal nga imbestigasyon ti Bauang Police Station, agtur-turong ti pick-up iti amianan a direksiyon idi maipagarop a nagamgam na iti linya ti kattigid a paset ti kalsada gaputi maipagarop a pananglisi na iti nalayos ken nauneg a paset ti kalsada, a nakaigapwan ti panagdinnungpar da iti kasinnabat na a dua a motorsiklo.
Gapu iti kapigsa ti impact ti aksidente, naipurwark iti dua a driver ti motorsiklo ken maysa a backride a nadungpar ti pick-up, nga agpapada a naideklara a dead-on-the spot.
Iti maikapat a casualty ket maysa a pasahero manipud pick-up, a naiproklama a natay bayat a matam-taming iti Ilocos Training and Regional Medical Center (ITRMC) ditoy siyudad ti San Fernando.
Saan met a nagpasar ti anyaman a dunor iti driver ti kotse a naidungpar ti naipurwak a motorsiklo.
Iti nagmaneho ti hi-lux pick-up, bearing plate no. NCN 9827, ket nabigbig iti nagan a Matt Soriano, residente ti Brgy. Bariquir, Naguilian, La Union.
Iti nagmaneho ti red motorcycle, bearing plate no. 540IFC, ket ni Gervick Estropia,23, shopee rider, idinto a ti backrider ket ni John Louie Patajo, agpada a residente ti Brgy. Calumbaya, Bauang, La Union.
Iti nagmaneho ti maysa pay a motorsiklo, awanan ti plate number, ket managan Raymart Mumbuki Ducusin, 23-yrs old, residente ti Barangay Calumbaya, Bauang.
Bayat a ti nagmaneho ti green a kotse, with plate number WDT 744, ket ni Jesus Garvida, 49-yrs old, residente ti Hiyas Homes, Parada Valenzuela City.
Naideklara a dead-on-the spot:
- Gervick Estropia, motorcycle rider, 23 yrs-old,
- John Louie Patajo, backrider, 17 yrs-old
- Raymart Mumbuki Ducusin, motorcycle rider, 23-yrs old
- Cyrus Buton, 19 yrs-old, pronounced dead at hospital (occupant of pick-up)
Iti driver ti pick-up ken dua nga occupants, isuda Joji Aquino, legal age, maysa a teacher ken Cyrus Buton, agpada a residente ti Barangay Imelda, Naguilian, La Union ket nagsagaba ti nakaru a pannakadun-dunor iti bagi.
Naiturong da iti ospital ditoy siyudad para iti pannakataming ngem naiproklama a natay ni Buton.
Maibasar iti report, napigsa ti tudo gaputi bagyo crising ken habagat, nabasa ken nagalis iti kalsada, idi mapasamak ti insidente.
