LA UNION – Naragsak a sinabat ni Department of Migrant Workers Secretary Hans Leo J. Cacdac, dagiti lima a Filipino seafarers manipud MV Transworld Navigator idi simmangpet digitoy idiay NAIA Terminal 3 idi malem kalman.
Kadwa ni Secretary Cacdac da DMW Asst. Secretary for Sea-based OFW Concerns Jerome T. Pampolina ken OWWA Deputy Administrator Honey Quiño.
Daytoy iti umuna a batch dagiti 27 Filipino seafarers a kabilang iti barko nga inatake ti Houthi rebels idi napan a lawas bayat ti panaglayag da idiay Gulf of Aden.
Segun kenni Asec. Jerome Pampolina, pasubli metten ditoy pagilian iti dadduma pay a tripulante ket manamnama a sumangpet da inton July 2 ken 3.
Dagiti repatriated seafarers ket immawat ti financial assistance ken dadduma pay a tulong manipud iti gobyerno.
