LA UNION – Nangipasdek ti konseho barangay idiay Acao, Bauang, La Union iti bukod dagitoy nga Isolation Facility para kadagiti COVID-19 patients.
Segun kenni Barangay Captain Pedro Corpuz, iti nasao a pasilidad ket naaramid mismo iti maikadwa a kadsaaran ti Barangay Hall ken addaan daytoy iti lima a kuwarto.
Kinunana a kangrunaan a nairanta daytoy para kadagiti taga Barangay Acao a COVID patients, ngem mabalin da nga awaten iti maysa a pasyente nga aggapo iti kabangibang a barangay nga agkasapolan unay.
Napanunutan ti konseho barangay a mangipasdek ti bukodda a COVID facility tapno adda pakaiturongan ken pakatamingan dagiti residente a posible a makaptan ti nasao a sakit, nangruna nu adu iti kaso kadagiti dadduma nga isolation facility kangrunaan na iti ospital.
