BR LA UNION – Dimmanon iti Task Force Bravo ti uram a napasamak idiay Tondo, Manila idi rabii, Setyembre 13.
Maibasar iti report, nagpaut ti dandani 10 nga oras iti napasamak nga uram idiay Barangay 105, Happyland.
Kinuna ni Fire Senior Inspector Ronald Lim, Station 1 Commander ti Bureau of Fire Protection-Manila, narigatan da a nagresponde iti uram gaopuiti kinakurng ti suplay ti danum ken akikid nga eskinita.
Naideklara a fire out iti oras alas 6:02 itay agsapa ti Domingo.
Tallo ti naipadamag a nasugatan ngem awan ti nailista a natay wenno mapukpukaw iti nasao nga insidente.
Umabot ti aganay 500 a pamilya wenno nasurok 1,000 nga indibiduwal iti inisyal a bilang dagiti residente nga apektado ken napartak a dimmapo ti babbalay dagitoy agsipudta naarmid iti light materials.
Dagiti naapektaran a residente ket temporaryo ita nga agtaltalinaed iti covered gym ti barangay ken pagadalan iti aglawlaw.
Maibasar iti estimate ti Bureau of Fire Protection-Manila, mapatta-patta a P1.5-M iti balor dagiti nadadael a sanikua iti nasao nga uram.
