BR LA UNION – Kinumpirma ti spy agency ti South Korea a nagpatulod ti North Korea ti ad-adu pay a suldado na idiay Russia idi Huwebes, Pebrero 27.
Sumagmamano kadagitoy ket nai-deploy iti frontline idiay Kursk region.
Immunan nga imbaga ti South Korean ken Western intelligence agencies a nagpatulod ti North Korea ti nasurok 10,000 a suldado na idiay Russia idi napalabas a tawen tapno tumulong a labanan iti opensiba ti Ukraine idiay Kursk border region.
Iti agdama, awan pay ti kumpirmasyon iti biang ti Russia wenno North Korea seknan iti deployment dagiti suldado.
Maipalagip a pinapigsa pay ti North Korea ken Russia iti political, military ken cultural ties sdagitoy sipud inyuswat ti Russia iti full-scale invasion na idiay Ukraine idi Pebrero 24, 2022.
