BR LA UNION – Impasigurado ti Department of Justice iti publiko a ti pannakaaresto ni sigud a Presidente Rodrigo Roa Duterte ket maiyannurot iti domestic ken international legal procedures.
Iti palawag manipud iti opisina ti pannakangiwat ti Department of Justice, kinunana a ti pannakaiserbi ti arrest warrant ti International Criminal Court kontra iti sigud a presidente nga inawat ti Philippine Center for Transnational Crime manipud iti Interpol ket maiyanjurot kadagiti napataud a pagannurotan.
Panggep daytoy nga addang tapno masalakniban ti karbengan ti sigud a presidente.
Segun iti DOJ, ti arrest warrant nga inruar ti Pre-Trial Chamber ti ICC ket mainaig iti reklamo a crime against humanity of murder a naipila kontra kenni Duterte.
Inlawlawag ti ahensiya nga iti laksid ti panagikkat ti Pilipinas kas miyembro ti ICC idi 2019, agtalinaed latta a paset ti INTERPOL ti pagilian.
Kinunana nga indauluan met dagiti otoridad ti Pilipinas ti pannakaiserbi ti warrant of arrest kas comity ken mutual cooperation iti international community.
Mainaig iti daytoy, pinasingkedan ti Justice Department a natalna ti pannakaaresto ti sigud a presidente ti pagilian.
