Impaganetget ti China a maisa nga espiya dagiti tallo a Pilipino nga inarestar da idi kallabes.
Segun kenni China Foreign Ministry spokesman Lin Jian, nangiruaren dagiti Chinese authorities ti detalyado nga impormasyon kadagiti aktibidad ti panag-espiya a maipagarop nga inarimid dagiti nasao a Pilipino idiay China.
Iggem metten ti judicial ken relevant authorities iti kaso kontra kadagiti tallo a Pilipino, nga segun kenkuada ket maibasar iti kinapudno ket maitunos iti linteg.
Iti naangay a press conference idi Lunes idiay Beijing, inakusaran ni Lin iti Pilipinas nga agim-imbento dagiti serye ti maaw-awagan a Chinese spy cases babaen ti “stigmatization at politicization” maibasar iti presumption of guilt nga awan ti nalawag nga ebidensiya.
Banag a kinontra ken nangipila dan ti protesta kontra iti Pilipinas ti sumagmamano a daras.
Impasigurado met ti Chinese official nga istrikto nga maimbestigaran iti kaso ti tallo a Pilipino nga maiyannurot iti linteg ken maprotektaran iti legal a karbengan ken interes kasaruno ti panawagan ti gobierno ti Pilipinas iti China a protektaran iti karbengan ken ipaayan da ti due process.
Iti dasig met ti Pilipinas, immunan nga pinaglebakan ti National Security Council (NSC) iti akusasyon ti China maibusor kadagiti tallo nga naarestar a Pilipino.
Segun kenni NSC spokesman Assistant Director-General Jonathan Malaya, ordinaryo nga umili ken awanan ti military training dagiti naarestar a Pilipino.#
