BR LA UNION – Nagballagi ti Philippine Coastguard Northwestern Luzon iti panangbantay ti seguridad dagiti beachgoers ti napalabas a Semana Santa.
Iti interview ti Bombo Radyo La Union kenni Lt. Junior Grade Ivhanne Rillon, Commander iti Civil Relations Group ti Philippine Coastguard Northwestern Luzon, imbaga na a nagballaygi ti ganwat dagitoy iti semana santa iti pannakitinnulong ti naduma-duma nga law eforcement unit ken iti publiko.
Maibasar iti record ti Philippine Coastguard Northwestern Luzon, adda iti uppat nga insidente ti pannakalmes ditoy probinsiya ti La Union, dua manipud ili a San Juan ken dua met manipud ili a Bauang, ngem naisalbar dagitoy ken adda dan iti nasayaat a kasasaad.
Segun kenni Rillon, nu ikumpara ti datos idi napalabas a tawen, dandani agpada laeng iti nailista a pannakalmes ngem ti pagsayaatanna, awan ti nailista a casualties wenno natay ita a tawen.
