BR LA UNION – Sinuspendi ti innem a bulan ti Office of the Ombudsman ni Cebu Governor Gwen Garcia.
Adda pakainaigan ti kaso iti panangipaay na ti special quarry permit iti maysa a construction company ken awan met ti
environmental compliance certificate (ECC) daytoy ken dadduma pay a dokumento.
Iti uppat a pinanid a desisyon ti Office of the Ombudsman a naipaulog idi Abril 23, sinuspendi na nga awan ti bayad iti uneg ti innem a bulan iti gobernador.
Inlawlawag ti Ombudsman, iti suspension ket mabalin a maikkat iti anyaman nga oras nu malpasen ti imbestigasyon wenno maibasura daytoy.
Uray suspendido ket inlawlawag ti Commission on Election (COMELEC) nga agtalinaed ni Garcia a kandidato inton Mayo 12.
Innayon pay ti COMELEC a saan a makaapekto ti suspension na iti reelection bid daytoy.
