Impasiguro ti Palasyo iti mailatag a contingency plan kadagiti umili nga agtaltalinaed kadagiti evacuations centers gapo iti naggidan a panag-alburoto ti Bulkan Kanlaon ken Bulkan Bulusan.
Segun kenni Palace Press Officer Undersecretary Claire Castro, saan a baybay-an ti gobierno dagiti kailian nga apektado ti panag-alburoto dagiti dua a bulkan ken makasiguro a makabotos latta dagitoy inton umay nga eleksyon.
Kinuna ni Castro nga addan iti Memorandum of Agreement mainaig iti daitoy nu sadino ket matuloy latta ti panagbotos dagiti apektado nga kailian inton Mayo 12 babaen kadagiti evacuation polling precincts.
Bigbigbign kunana ti gobierno ti kinapateg ti botos ti tunggal Pilipino uray pay kadagiti panawen ti didigra ken saan a mabaybay-an a malappedan ti karbengan ti tunggal umili para iti panagpili ti sumaruno a lider.
Innayon pay ni Castro a makatalek dagiti evacuees a makabotos da kadagiti polling precincts para kadagiti agtaltalinaed iti evacuation centers.
