Pinalagipan ni Vice President Sara Duterte iti publiko mainaig ti umiso a panagsurot ti bata- trapiko tapno maliklikan ti aniaman a klase ti aksidente ti kalsada.
Inaramid ti Bise ti panawagan kalpasan dagiti nagsasaruno nga aksidente kadagiti kakalsadahan nga adda pakainaigan na dagiti motor vehicles, partikular ti napasamak sadiay SCTEX ken NAIA.
Ti mensahe na ket para iti Land Transportation Safety Month a naipaganetget ti kasapulan nga agtitinnulong dagiti motorista, pribado a sektor, ken ti gobierno tapno masiguro ti natalged a panagbiahe. Segun kenni VP Sara, ti road safety ket saan laeng a trabaho dagiti enforcers ti kalsada.
Naganawagan pay ti Bise iti pribado a sektor a siguraduen a natalged ti kondisyon dagiti drivers da ken addaan kadagiti umdas a trainings ken seminars.
Maibasar iti datots, dumanon ti 11K Filipinos ti natay idi tawen 2021 gapo iti aksidente ti kalsada – kaadwan kadagitoy ket pedestrians, motorists, bicyclists, ken tricycle passengers a masansan nga agtawen ti 15 agingga 19.
