Nangipatungpal ti National Grid Corporation of the Philippines (NGCP) ti contingency measures para ti eleksiyon inton aldaw ti Lunes, Mayo 12.
Karaman ditoy ti panagsuspindir kadagiti amin a maintenance activities tapno masiguro ti uninterrupted power service inton kangitingitan ti panagbobotos.
Daitoy ti pinasingkedan ni NGCP government relations and regional affairs lead specialist Jenny Afrolin nu sadino ket impadamag na pay a temporario a suspendido ti konstruksiyon ken non-critical maintenance activities kadagiti asideg ti substations ken transmission lines manipud pay idi Mayo 5 nga agpaot agingga Mayo 16.
Ti suspensyon dagiti amin a maintenance activities ket maiyannurot ti contingency plans nga intuding ti Commission on Elections. Segun iti NGCP, manipud pay idi bulan ti Abril ket dinalusan dan amin a transmission lines nga addaan kadagiti obstructions, malaksid ti maysa a linya sadiay South Luzon agsipud ta agtultuloy paylaeng iti negosasyon ti scheduled vegetation trimming na.
Nai-adjust metten dagiti maintenance activities kadagiti power plants tapno masiguro ti availability dagitoy inton eleksyon ken na-activate payen ti grid operation dagiti Overall Command Center ti 24/7 agingga Mayo 14 tapno makaresponde ti aniaman a posible a power interruptions.
