BR LA UNION – Pinagyamanan ni President Ferdinand Marcos Jr., ti amin a Pilipino a nagbotos iti eleksiyon idi Mayo 12.
Iti waragawag nga inruar ti Presidente, imbaga na a naminsan manen a pinaneknekan ti pagilian iti kaipapanan ti demokrasya babaen iti nakapya, naurnos ken addaan dignidad nga eleksiyon.
Kumpiyansa ti Presidente kadagiti nabotosan nga opisyal a denggen da iti arungaing dagiti umili, dagus nga agtignay kadagiti karit ti inflation, trabaho, korapsyon ken inaldaw a pakaseknan dagiti Pilipino.
Lubos din ang pasasalamat ng Presidente sa taumbayan na bumuto at sumuporta sa mga kandidato ng administrasyon.
Imbaga pay ti Presidente a saan man a nangabak amin dagiti 12 a senatorial candidates nga inyindurso na, agtultuloy met ti misyon ken trabaho dagitoy.
Impaganetget ti Presidente kadagiti saan a napagasatan a mangabak, nga ires-respeto na ti kinatibker dagitoy ken takder iti public service.
Panawagan ti Presidente ita a nalpasen ti eleksiyon nga ituloy ti agmove-on ken saanen a subliyanan ti napalabas, ngem ketdi kitaen iti masakbayan.
