Inyanunsyo ti Department of Migrant Workers (DMW) a nagpawayway ti gobierno ti Saudi Arabia ti innem a bulan a deadline kadagiti undocumented overseas Filipino workers (OFW), partikular dagiti runaway domestic workers tapno pirmisen ti panagtalinaed da iti nasao a pagilian.
Segun kenni DMW Undersecretary for Middle East and African Affairs Jainal Rasul Jr., inyanunsyo ti Ministry of Human Resources and Social Development (MHRSD) ti Saudi ti maaw-awagan a correction period para kadagiti mangmangged nga addaan ti kaso a “huroob” wenno dagiti timmakas kadagiti employers da.
Kayat a satwen, pawpawaywayan isudad ti Saudi ti agingga Nobyembre 10 tapno agbiruk ti baro nga amo a magnited kenkuada ti ‘iqama’ wenno baro a work permit.
Inlawlawag ni Rasul a babaen ti grace period, makabiruk dagiti OFWs ti baro nga employer a saan a mapaulogan ti multi idiay imigrasyon — a kadawyan ket dumanon ti agingga 600 Saudi Arabian Riyal wenno nasurok-kumurang P9-M, depende pay ti kaatiddog ti overstay.
Kinunana , nababbaba pay ti bilang tdagiti tumaktakas nga empleyado nu idasig idi napalabas a tawen.
Idiay Riyadh, mapatta-patta a sangagasot a babbai ken 45 a lallaki ti agdama a tultulongan ti embahada; idiay met Al-Khobar, 50 ti kaso a kaadwan ket babbai nga addaanen ti exit visa; bayat nga idiay Jeddah ket manamnama metten a makaawid ti kaadwan.
Nagpakdaar ni Rasul kadagiti undocumented workers kadagiti salon ken beauty shop idiay Jeddah nga agannad kadagiti immigration inspections, nangruna para kadagiti pasaet ti LGBTQ+ community.
Pinalagipan ti DMW dagiti Pilipino idiay Saudi Arabia a raemen ti local laws ken kultura iti lugar bayat nga agtultuloy met ti tulong iti gobierno ti Pilipinas kadagiti agkasapulan nga OFWs.
