BR LA UNION – Nabalkot ti dapo ken naingel nga angot ti asupre dagiti 11 a lugar idiay probinsya ti Negros Occidental.
Daytoy ket kasaruno ti panagbettak manen ti bulkan idi kalman (May 14), a nagpaut ti lima a minuto, maibasar iti opisyal a record ti Philippine Institute of Volcanology and Seismology (Phivolcs).
Ti nasao a panagbettak ket nangparnuay ti pakabuklan a 38 volcanic earthquake ken sumagmamano iti narikna dagiti residente.
Segun iti Provincial Disaster Risk Reduction and Management Council – Emergency Operations Center (PDRRMC-EOC) ti Negros Occidental, naapektaran iti adu a barangay manipud La Carlota, Bago, San Carlos, La Castellana, Murcia, San Enrique, Valladolid, Pontevedra, Hinigaran, ken Binalbagan.
Idiay Bago City, 23 a barangay iti nakapadas ti ashfall bayat a 11 barangay idiay La Carlota City ken siyam a barangay idiay La Castellana iti nakapadas ti volcanic ash ken nasangsang nga angot ti asupre.
Idiay Bacolod City, 18 a barangay ti nakapadas ti naglaok nga ash particles ken tudo.
Idi parbangon ti Martes, May 13, immuna a bimtak iti nasao bulkan ken nangipugso ti tone-tonelada nga asok ken volcanic materials.
Gaputi dayta, adu a lugar iti naapektaran ti ashfall, a napasarunwan iti simmaruno nga aldaw.
