BR LA UNION – Awan ti plano ni Senadora Risa Hontiveros a kumappon iti Duterte bloc a buklen dagiti kaalyado ni sigud a President Rodrigo Duterte para iti sumaruno a 20th Congress.
Sungbat daytoy ni Hontiveros iti report a kayat ti agbalin nga oposisyon ti grupo idiay Senado, a segun kenni Hontiveros senyales daytoy nga agsag-sagana da a makibalubal tapno agbalin a minority bloc idiay Senado.
Ingkaso kunana nga ipursige ti Duterte bloc nga isuda ti agbalin a minority, adda latta option ni Hontiveros nga agbalin a maysa nga independent wenno mangbukel ti maysa nga independent bloc.
Kabayatanna, awan met iti plano ni Hontiveros a kumappon iti Majority bloc ti Senado.
Iti napateg kunana ket agbalin a consistent nga agbalin a minority nangruna ket saan met isuna a kaalyado ti agdama nga administrasyon.
Gaputi dayta, target ti senadora nga agbalin a sumaruno a Senate minority leader iti panagserrek ti baro a Kongreso.
