BR LA UNION – Nangidatag ti Department of Justice (DOJ ) ti 62 counts a money laundering cases kontra kenni dismissed Bamban,Tarlac Mayor Alice Guo.
Ni Guo ket agdama a nakabalud idiay Pasig City Jail gaputi kaso a 26 counts ti panaglabsing iti Anti-Money Laundering Act (AMLA).
Sumangsango pay ti five counts a panaglabsing iti Section 4 (b) ti kapada a kaso gaputi panagala wenno panagusar ti monetary instrument wenno sanikua ken 31 counts para iti panaggandat wenno pannaki-kutsabo tapno isayangkat iti money-laundering.
Kadwa na a sumangsango iti kapada a kaso ti nagannak na nga isuda Jian Zhong Go ken Lin Wenyi, dagiti kakabsat na, isuda Shiela ken Seimen ken 26 pay a karaman iti operasyon ti Philippine Offshore Gaming Operators (Pogo).
Maibasar iti 48 a pinanid a resolusyon nga inruar ti DOJ panel of prosecutor, iti birok manipud iti POGO idiay Baofu compound a kukua ni Guo ket naiyakar iti sabali a lehitimo a negosyo ti pamilya.
Tawen 2023 idi ni-raid dagiti otoridad iti POGO idiay Baofu compound, a naka-arestaran iti 300 a gangannaet a kaadwan ket Chinese citizen.
Idi Marso 13, 2024 na-raid manen ti nasao a lugar kontra kenni Zun Yuan gapu iti pannakairaman na iti labor trafficking, cryptocurrency scams, love scams ken investment fraud.
Kinumpirma ni Prosecutor General Richard Anthony Fadullon a naidatag dan ti kaso iti korte idiay Capas bayat a ti resolution ket nairuar idi Enero.
