BR LA UNION – Nangisayangkat ti actual simulation iti ginginged dagiti kameng ti La Union Police Provincial Office, partikular nu kasatnu iti panagresponde ti nabukel a rescue team kadagiti tattao a na-trap iti pasdek.
Aminado ni Police Major Lawrence Ganuelas, agdama nga Information Officer ti La Union Police Provincial Office (LUPPO), nga adu pay iti kasapolan a padur-asen iti wagas ti panag-responde iti panawen ti kalamidad.
Nupay kasta, kinuna na a dackel a tulong kadakuada a pulis, a masansan nga ag-responde iti panawen ti emerhensiya, dagiti maisay-sayangkat a panagsanay a kas ti earthquake drill tapno agbalin da pay a mas epektibo ken alerto nangruna iti rescue operation.
