BR LA UNION – Hunyo 28, 2025 – Nasarakan iti bagi ti menor de edad a babai, iti baetan ti alas 12:30 ken 1:30 ti parbangon, iti waig nga asideg idiay Sitio Bayoyo, Brgy. Apayao, San Gabriel, La Union.
Maipalagip nga idi Hunyo 27, agarop alas 4:30 ti malem, naipadamag iti maipagarop a pannakaiyanod ken pannakalmes ti biktima iti karayan.
Maibasar met iti inisyal nga imbestigasyon dagiti otoridad, iti biktima kadwa na iti kaadalanna ket nagturong iti karayan tapno agdigos, ngem mapapati a ginuyod iti napigsa nga ayos ti danum agturong iti abagatan a direksiyon.
Naideklara a pimmusay iti biktima babaen kenni Dr. Ruth D. Mamuyac, Municipal Health Officer ti Rural Health Unit, San Gabriel, La Union.
Iti nasao a bangkay ket dagus a naiturn-over iti pamilya na para iti umiso a disposisyon.
