Impaganetget ti Chinese Embassy idiay Manila a legal a prerogatibo ti China a mangipataw ti sanctions kontra kenni sigud a Senador Francis Tolentino.
Innayon da pay nga adda dagiti consequences na wenno epekto iti panangpasakit iti interes ti China.
Inaramid ti embahada iti nasao ng statement, kalpasan nga pinaayaban ti Asia-Pacific division ti Department of Foreign Affairs ni Chinese Ambassador to the Philippines Huang Xilian tapno idanon iti nainget a panagprotesta ti dasig ti Pilipinas iti panangiparit ti China iti sigud a manmanday-linteg a makastrek iti teritoryoda idiay mainland China, Hongkong, ken Macau, gapo kadagiti impakita a kababalin ni Tolentino maipanggep kadagiti isyu nga adda pakainaigan na iti China.
Kenuna ti Chinese embassy nga impakaammo ti Chinese Ambassador iti DFA iti desisyon ti gobierno ti China a patawan ti sanctions ti sigud a manmanday-linteg.
Impaganetget pay ti embahada nga iti uneg ti naunday a panawen, imet ti managinbubukod nga interes, sumagmamano a pulitiko ti pagilian a kontra-China iti nangiwaragawag dagiti dakes a damag ken agtigtignay kadagiti isyu nga adda pakainaigan na iti China, banag a makadadael iti interest ken relasyon daytoy iti pagilian.
Impunto pay ti Chinese embassy a nainget nga impaganetget ti gobierno ti China iti panangdepensa ti bukod da a soberanya, seguridad, ken interes ti panagdur-as.
Iti dasig ti DFA, pinalagipan da iti Chinese envoy a maisa a democratic country iti Pilipinas a mangipatpateg iti kinawaya ti panangiwaragawag.
Mandato met dagiti Senador ken dagiti dadduma pay a nadutokan nga opisyal a makibyang kadagiti saritaan ti national ken kadagiti public interests.
Kenuna pay ti DFA, nakapamaysa da iti panagsungbat kadagiti panagduduma babaen ti diplomasya ken dayalogo bayat a makikokoordinar iti China babaen iti maisa a konstruktibo a wagas tapno itandudo iti panagkikinnaawatan ti tunggal maysa.#
