Nagkari a mangipaay ti inisyal a tulong wenno shelter aid iti Department of Human Settlements and Urban Developments (DHSUD) para kadagiti pamilya nga apektado ti Severe Tropical Storm Crising.
Maibasar iti report, nasurok a 356 dagiti pagtaengan iti nadadael manipud kadagiti tallo a rehiyon ti pagilian.
Manipud iti nasao a bilang, 307 dagiti partially damaged ken 49 met dagiti totally destroyed maibasar iti nagtipon a datos dagiti regional offices ti DHSUD.
Kaadwan a bilang ket manipud idiay Region IV wenno Western Visayas, sinaruno ti Region IX nga addaan ti 87, ken 65 idiay Negros Island.
Nagkiddaw iti DHSUD ti 5,000 shelter-grade tarpaulins manipud iti International Organization for Migration para iti distribusyon ken tapno makatulong kadagiti apektado a pamilya.
Iti nasao nga inisyatiba ket kas maiyannurot iti nagbalin a direktiba ni Presidente Ferdinand Marcos Jr. a mangipaay a dagos ti post disaster assistance kadagiti Pilipino a nakaro a naapektaran ti dakes a panawen.
Kabayatanna, nagkari met iti departamento nga agtalinaed da a proactive iti komprehensibo a panangidanon ti assistance kadagiti residente.#
