Ikonkonsiderar dagiti pagadalan iti panangisayangkat ti makeup classes tapno makabawi iti learning loss dagiti estudyante.
Daytoy ket kalpasan dagiti suspensyon ti klase gapo dagiti naglabas a bagyo a Crising, Dante, ken Emong pakairamanan iti Southwest Monsoon wenno Habagat.
Iti maysa a waragawag ket kenuna ni Education Secretary Sonny Angara, dakkel iti mapukaw kadagiti estudyante no saan daytoy a maisayangkat.
Ipaima metten ti ahensya kadagiti pagadalan iti wagas ti panangbawi iti oras ti panagadal dagiti estudyante, kas iti panangnayon ti oras ti klase wenno iti Saturday classes.
Kabayatanna, impasigurado ti DepEd a naikonsiderar met iti schedule dagiti mannursuro.#
