Inlawlawag ni Health Secretary Ted Herbosa nga iti zero-billing policy a dinakamat ni Presidente Ferdinand Marcos Jr. kabayatan iti maikapat nga State of the Nation Address (SONA) ket karaman amin a pasyente kadagiti ospital nga imanmanehar ti Department of Health (DOH).
Segun kenni Herbosa, sakop ti polisiya dagiti pasyente a naka-confine kadagiti “basic accommodation” wenno ward rooms dagiti 83 DOH-run medical facilities.
Nabayagen a maipatpatungpal iti zero balance para kadagiti indigent patients iti sidong ti programa a “Bayad na ang Bill Mo.”
Amin a pasyente kadagiti basic accomodation wenno wards ket saan a kasapulanen nga agbayad uray piso gapo iti kanayunan a pondo para iti Maintenance and Operating Expense dagiti DOH hospitals.
Nupay kasta, inlawlawag ni Herbosa a saan a karaman ti zero-billing policy iti National Kidney and Transplant Institute (NKTI), Lung Center of the Philippines, Philippine Heart Center, ken Philippine Children’s Medical Center agsipudta kaadoan kadagiti kwartoda ket private rooms a kumitkita ken agsusubsidize kadagiti ward accommodations.#
