BR LA UNION – Impasigurado ti Department of Agriculture (DA) nga adda umdas a suplay ti bagas para iti P20 per kilo program ti gobyerno.
Daytoy ket uray nainayon dagiti mannalon kas benipisaryo.
Kinuna ni Agriculture Assistant Secretary for Agribusiness, Marketing, and Consumer Affairs Genevieve Velicaria-Guevarra, saan a basta maibus iti suplay nga uray limmawa dagiti benipisaryo.
Impaganetget ti opisyal a sustainable ti nasao a programa isunga posible a mapalawa pay daytoy.
Kinuna na nga adda nakasagana a 400,000 metric tons a bagas manipud iti bodega ti National Food Authority (NFA) para iti nasao a programa.
