BR LA UNION – Nagbalinen a bagyo iti low pressure area a naudi a nasaripatpatan idiay probinsiya ti Aurora.
Ti tropical depression “ISANG” ket nag-landfall idiay Casiguran, Aurora.
Kabuy-buyog na ti angin nga agpigsa ti 55 km/h asideg iti sentro ken kapegges a dumanon ti 90 km/h.
Agtur-turong a pa-laud iti kapartak a 15 km/h.
Nakabayog ita ti Signal Number 1 kadagiti sumaganad a lugar iti Luzon:
- Batanes
- Cagayan
- Isabela
- Quirino
- Nueva Vizcaya
- Apayao
- Kalinga
- Abra
- Mountain Province
- Ifugao
- Benguet
- Ilocos Norte
- Ilocos Sur
- La Union
- Pangasinan
- Northern and central portions of Aurora
(Casiguran, Dinalungan, Dilasag, Baler, Maria Aurora, Dipaculao, San Luis) - Northern portion of Nueva Ecija (Lupao, Carranglan, Pantabangan, San Jose City)
Maibasar iti track forecast ti PAGASA, bumallasiw ti bagyo ISANG iti Northern Luzon iti sumaruno a 12 nga oras, agturong idiay West Philippine Sea inton rabii, ken rumwar iti Philippine Area of Responsibility inton bigat, Agosto 23, iti bigat wenno malem.
Posible a pumigsa ti bagyo ISANG iti tropical storm inton bigat ken pumigsa pay a dumanon iti severe tropical storm category bayat a rumrumwar iti PAR ken agturong iti kabaybayan ti Hainan, China.
