BR LA UNION – Nangiruar ti La Niña Watch iti Department of Science and Technology – Philippine Atmospheric, Geophysical and Astronomical Services Administration (DOST-PAGASA) kalpasan a makita iti ngumatngato a posibilidad ti La Niña mangrugi inton Setyembre agingga Disyembre 2025.
Segun iti ahensya, agtaltalinaed a neutral iti kondisyon ti klima agingga Agosto-Setyembre-Oktubre, ngem adda 55% wenno nasurok pay a tsansa a tumpuar ti La Niña iti sumaganad a bulan.
Iti La Niña ket masansan a mangigubway ti nalam-lammiis a temperatura iti kabaybayan Pasipiko, ad-adu a bagyo, ken nakar-karu a panagtudo iti kaadwan a paset ti pagilian.
Inalerto ti PAGASA dagiti ahensya ti gobyerno ken umili nga agsagana iti posible nga epekto kas iti panaglayos ken landslide, nangruna iti vulnerable areas.
Agtultuloy iti monitoring ti ahensiya iti kondisyon ti klima ken naallokoy ti amin a suruten dagiti opisyal nga update.
