BR LA UNION – Nagpanawagan ti grupo a mangisak-sakit iti karbengan dagiti detainee a KAPATID iti baro a dutok nga officer-in-charge ti Philippine National Police (PNP) a ni Lt. Gen. Jose Melencio Nartatez Jr., nga ibasura iti polisiya ti predecessor na a ni sigud a PNP Chief Gen. Nicolas Torre III skenan iti panangusar dagiti drug-related arrest kas basaran ti performance dagiti pulis.
Segun kenni Fides Lim, tagapagsarita ti Kapatid, pak-pakarwen laeng ti nasao a polisiya iti panangabuso iti bileg ken panagkipet iti pagbaludan, imbes a masolusyunan iti kriminalidad.
Kinunana a panawenen tapno tuldukan ti agrik-rikos nga istorya a panagimula ti ebidensya ken parbo a kaso kontra kadagiti aktibista.
Nasken nga ipatungpal ti PNP iti pudno a prinsipyo ken karbengan pantao.
Iti panawagan ket inaramid ti grupo kalpasan a mapatakyas iti puwesto ni Gen. Torre kas PNP chief, maiyannurot iti dokumento a pinirmaan ni Executive Secretary Lucas Bersamin.
Immunan nga inlawlawag ni Remulla a saan a naglabsing ti anyaman a linteg ni Torre ken awan met iti kaso a kriminal wenno administratibo daytoy.
Daytoy kunana ket simple laeng a panagdesisyon ti Presidente para iti baro a direksiyon ti Philippine National Police.
